ଭାବନା

Monday, October 28, 2024

ଭାଗବତ ବାଣୀ

**********

ବଡ ବଡ ଆଖି ତୁମ କି ସୁନ୍ଦର ଆହା ,

ବଡ ସିଂହାର ବେଶ ତୁମ , କି କହିବି ତାହା |

ବଡ ହଟିଆ ତୁମେ , ବଡ ମହିମା ତୁମର ,

ବଡ ଠାକୁର ତୁମେ ବଡ ଦେଉଳର |

ବଡ ରଥ ତୁମ ଗଡିଯାଏ, ଧରି ବଡ ଦିଅଁ ,

ବଡ଼ ଡୋରରେ ତୁମେ ମୋତେ ବାନ୍ଧି ନିଅ |

-ଅନିତା ବେହେରା ,ବେଙ୍ଗାଳୁରୁ

💐==========💐

ଭାବର ଠାକୁର ଭାବ ବିନୋଦିଆ ହେ ଲୀଳାମୟ,

ଭାବର ଡୋରିରେ ଟାଣିନେଉଛ ହେ ଭାବମୟ l

ଭାବର ଭାବରେ ବାନ୍ଧିଛ ଏ ଭବସିନ୍ଧୁ,

ପାରି ହେବୁ ଏ ଭବୁ ନେଇ ତୁମ

ନାମ ଜଗବନ୍ଧୁ l

ଭାବର ନାଆରେ ବସି ଭାସିଗଲି ଭାବର ସ୍ରୋତରେ,

ଭାବରେ ଭୋଳ, ଭାବ ବିହ୍ୱଳ ତୁମେ ଜାଗା ଠାକୁରେ l

ଭାବକୁ ନିକଟ ଅଭାବଠୁ ଦୂର ନିତି ହୁଏ ପାର ,

ଭରି ମନେ ଭାବାଶ୍ରିତ ଭାବନାର ଧାର l

ହେ ଭାବାଞ୍ଜନ, କର କାରଣ, ଦିଅ ଶରଣ,

ଭାବେ ଅନିତା, ମୋ ଚିତ୍ତ ରହୁ ତୁମ୍ଭ ଚରଣ l

--------------------------------

ଅନିତା ବେହେରା, ବେଙ୍ଗାଲୁରୁ l

https://www.youtube.com/watch?v=HZGqmioJKdA

-Bhagabata